Ge. Phaedronis Rhodochei Medici aquila coelestis siue correcta hydraryri praecipitatio, ad lo. Chilianum solertiss. Othenrici Electoris Chemicum. Scripta Ingolstadii Anno a salutaribus Meschia natalitiis M.d. Lxii. Aquilae Coelestis Ode. Inclyta quae summi quondam louis ales habebar, Delitiaeque Deum, Et nitida coeli gemmantis in arce morabar. A ethereoue choro. Sedibus exturbata meis ergastula terrae Nunc peregrina colo, Et data mancipio teneor seruilis acerba Conditione iugi. Hinc mala tabisicae purgo contagia pestis Aere fusa nouo: Hydropis cor diri uacuo squalentia stagna Sordifluosque lacus: Chiragrae uarios motus, tophosque podagrae Uindice soluo manu: Etque callosts figit nigricantia labris Ulcera cancer edax: Rosto quosue simis affatim pure fluentes Mecta Syringis agit. Quisquis es idcirco prudens felicibus Horis Contrahe uela rogo, Nec laxa nimium, medio cum tramite recti Rectius ire queas. Nam plerunque graues casus excelsa minantur, Magnaque probra ferunt, Et quae semper iniqua fuit mibi sors, tibi forte Ge.phaedronis Rhodochaei Medici aquila coelestis siue correcta hydrargyri praecipitatio. Cap.i. Cum Primum In agro Ingolstadiensi una cum tua coniuge modestissima, lo. Chiliane, me hospitem tam cupide uiseres, & librarios Othenrici Electoris laudatissimi thesauros aperires, continuo mihi placere cepit ingenuus candor tuus, rara fides, inexplicabilis taciturnitas. Ut autem uicissim meam in te tuosque beneuolentiam declararem munere aliquo uestris digito uirtutibus, non dicam reperire quicque hactenus, sed ne optare quidem, aut etiam cogitatione assidua informare potui. At posteaquam nunci e stoecheomantia grauissimos hominum generi uniuerso morbos autumno impendere uideam, ut est pestis Epidemica, Hydrops desperatus, Arthritis tophacea, non committendum putaui, quinte amicum meum singularem ante iis de malis certiorem facerem, eorundemque depellendorum rationem aliquam explicarem. Nam is qui omnium humanarum actionum, & artis medicae finis est, nimirum ut Deum Opt. Max. amemus & proximum quemque perinde ac nos ipsos. Idcirco, Io. Chiliane, aquilae coelestis praeparatione perstringam breuiter, & usum eiusdem in affectibus supra dictis enodabo plenius, ut nihil prorsus uel a te uel etiam ab alio rerum medicarum, & chemicarum imperito in utroque desiderari possit amplius. Aquila uero coelestis aut correcta hydrargyri praecipitatio sic habet: Primo capiantur stimmeos puluerati salnitri optime purgati faecis uini ustae, cuiusque une. iii. omnia simul liquefacta in chyticum uas infundantur, & cum refrixerint, perfecti operis quasi subsidens rex uasto concutiatur malleo, tunc ima parte cohaerens ilico dissilit uiolenta conquassatione. Huius autem regis puluerati drachma in uitrum oris ampli deiiciatur, & aqua regali sexies irrigetur, ac rursum assiccetur, tandem in eadem aqua resoluatur, resolutusque in urceum figlini operis, qui feruentem cinerem contineat, tumuletur. Atque aqua regalis hoc modo fit: Puluerentur Chalcanthi lib.ii. aluminis cremati lib.s. salis ammoniaci lib.i.s. probe misceantur & igni largo eliciatur aqua uehemens, quae purgetur iniectis argenti lamellis. Secundo in aqua regali seorsum resoluatur auri limata scobs aut foliaceae Ophirizibracteole pondere drachme, & post ut supra factum est in uitro feruenti cinere obruantur. Tertio super calcem uiuam aqua feruens fundatur ac probe agitetur, ubi refrigerata conquieuerit, pertrilicem coletur: deinde aqua illa rursus feruefacta in praeparatos isatidis cineres fundatur ac diligenter moueatur, postque consederit, iterum per trilicem traiiciatur: tum in hac lixiuia ebulliat libra hydrargyri quod antea sale in aceto belle dissoluto sit elotum, & quo diutius efferbuerit, eo melius est: postremo hydrargyrum rursus sale in aceto probe dissoluto purgatu abluatur aqua calida & asiccetur. Praeparatum hoc hydrargyrum in aqua regali ut prius notatum est resoluatur, & in feruentem cinerem reponatur. Nunc haec tria dissoluta in uas cucurbitinum luto optime circumlitum calida demittantur & e Seraphino sexies aut septies stillare sinantur: semper tamen prolectus humor rursus super crassamentum relictum aspergatur necesse est, qui ad extremum igne acerrimo seiugatus tanquam minutilis abiiciatur. Sedimenti uero materia exemta minutissime primum teratur, & sub myela flagrantissimis carbonibus reuerberetur, assidueque uersetur rude ferrea, donec mutato colore iterum rufescat & uirus aquae regalis euanescens contabuerit. Dein optime lauetur affusa calida aqua, dum nullam prorsus salsedinem resipiat. Tum praestantissima uini essentia perfundatur ita ut transuersos tres digitos superemineat, triduo condatur inferuentem 101 cinerem cinerem & quotidie ter moueatur, demum temperata uini essentia rursus a sedimenti materia separetur. Postremo stillatitia rosarum aqua, quae moscho facta sit odoratior, respergatur, triduo conquiescat & singulis diebus ter agitetur, tandem liquor stalacticus sensim abstrahatur, ut assiccata maxime in fundo resideat aquila coelestis, quae uitro diligenter obturato recondatur oportet ad usus inenodabiles. Cap. Iii. Usus aquilae coelestis ad interiores corporis morbos est eiusmodi: Grani unius pondere ad tria usque ieiuno propinatur in drachma aquae theriacalis siue mithridaticae, cui haec insunte: uini essentiae uno. u. theriacae seu mithridatii unc. ii.s. myrrhae subuiridis dr. x. croci Uiennensis dr.ii. misceantur & per balinaeon stillare sinantur. Hac potione sumpta perpurgatur uniuerse caput, thorax, uenter & artus. Nam ut crudi hydrargyri perniciosus uapor omnem corporis substantiam peruagatur: ita aquilae coelestis potio salutari quadam ui spiritum una cum arteriis peragrat, sanguinem cum uenis & humores toto corpore fusos, itemque medullam cum ossium intimis peruadit cauernis, & quicquid uitii neruos occupauit, aut inter carnem & cutem irrepsit, corrigit uniuersum. Sic principes corporis partes, cerebrum, cor, pulmo, iecur, lien, fel, renes, tam expurgari quam roborari solent conuenienter, ut & ad primam constitutionem natiuamque symmetriam citius perueniant, nec in integras labis atque coeni quicquam in posterum influat facile. Ad externos autem, qui communibus expositi sensibus chirurgiam requirunt, talis usus est: Aquilae coelestis dr.i. myrrhae optimae unc.s. caphurae gr.uii. croci gr. u. ol. ecaryophyllis unc. u. E. unguentum, quo omnia uulnera ulceraque ac suppurati tumores sanantur obliti, ut nihil uel impurissimi mali sordibus inquinatum incorpore redundet amplius. Itaque coelestis aquila in desperatis humani corporis affectibus uniuersis remedium est praesentissimum. Nunc ut planiora fiant omnia, unum atque alterum exemplum subiiciam. Cap. Iiii. curatio. Pestis epidemicae certa Initio ueneni uis ac pernicies expurgetur propria hac antidoto: Aquilae coelestis gr.i.s. theriacae Alexandrinae scr.i. uini rubri, in quo melittaena aliquot dies macerata sit, stillatitii unc.s. decocti prunellae unc.i. ualerianae dr. ui. misceantur & fiat potio cathartica ad ueneni malignitatem exterminandam. Aut huius loco mane ae uesperi sudor ualidissime cieatur egro plurimis integumentis obuoluto: Liquoris Ophirizi & gemma rum, ut in nostra Coelesti Medicina docetur, cuiusque scr.s. aque fumariae cichorii chamaedryos stillatitiarum, sing. dr.iii. essent. uini rubri unc. s. misceantur. F. potiuncula diaphoretica ad exitiosa pestilentie furentis semina exturbanda. Deinde a purgatione seu ueneni expulsione altera Bii altera die ob minacem uim deleteriam exhibeatur egro peculiare hoc alexipharmaco: Liq. margaritarum coralliorum rubr. cuiusque scr.i. ol. ossium e corde cerui myrrhae, sing. scr.s. nucum myristicarum gr.u. aquae betonicae hirundinariae stalacticarum, cuiusque unc. i.s. misceantur ad formam potionis. At si tertia die mortifera symptomata consequantur, indigenitali mysteriorum ratione curentur, ut in delirio praebeatur summum margaritarum arcanum, in spasmo ossiculum e leporis poplite liberatum, in spiratione difficili Thio siue balsamum, in dysenteria & assidua uomitione crocum e chalybe correctum, in siti inexhausta oleum chalcanthi rubrum, in menstruorum profluuio liquor coralliorum rubrorum. Postremo in contractae cladis charactere exhibito adlethaleuirus pestis populariter grassantis euocandum admoueatur emplastrum Olympicum, quodita habet: rha pontici Succi rad. pimpinellae helenii siderici ex. Ananiensium conuallibus petiti herb. prunellae hyperici centaurii minoris geranii, sing. unc.i. mucaginis se. cydoniorum lini althaeae, cuiusque unc.s. cerae candidae lib.s. picis colophoniae terebinthine nouies ex aqua hortensis solani stillatitia lotae, sing. une. ii. galbani B iii ammoammoniaci opoponacis sagapeni in ess. uini dissolutorum, cuiusque unc.s. tragacanthae myrrhae thuris masculi mastiches croci e chalybe ladani styracis bdellii belzoini, sing. dr. ii.s. mumiae dr. i.s. spermatis ceton unc.s. gummi Arabici hypocistidis, cuiusque dr. s. rhabarbari scammonii medullae fruct. colocynthidis, cuiusque unc. s. chalcanthi chalcanthi scr. uii. margaritarum coralliorum rubrorum alborum lithargyri lap. addatur calaminaris carniolae magnetis haematitae, sing dr. iii. ad extremum ol. stimmeos unc.i.s. plumbi unc. iiii. caphurae unc. i.s. amygd. dulcium lumbricorum terrenorum, sing. unc. s. adipis serpentum praeparati iecinorum e ranis recentium, cuiusque unc.i.s. F. magdaleones ad carbunculum bubonemque pestilentem contaminati hominis radicitus extirpandum. Cap. U. Hydropis deplorati uera curatio. In hydrope e quibuscunque causis inuecto ter uel quater offeratur hoc catharticum, aut tantisper, dum corpus seroso humore distentum paulisper subsidere intelligas: Aquilae coelestis gr.i.s. extractae e pastillis Alahandal essentiae gr.iii. sacchari rosacei dr.ii. mastiches dr.s. croci gr. iii. misceantur. F. bolus burgatorius ad corpus aqua crassa atque concreta suffusum. Deinde a leucophlegmatiae exinanitione ad reliquam molis corporeae amplitudinem minuendam mane ac uesperi haec potio exhibeatur, donec cachecticum corpus citrino colore squalidum uiuido nitore rursus efflorescat: Croci e chalybe summo ad extrema opere reuerberati dr.s. liq. ophirizi gr. iiii. ol. nucularum moschatarum gr. u. aque ueronicae unc. iii. misceantur & formetur potio ad pituitosum albicantemque sanguinem corrigendum. Interdiu uero propter uirium dissolutarum defectionem & immodicae sitis iactationem detur haec potio: Cubebarum se. ocimi caryophyllati, sing. unc.s. folliculorum solani halicacabi santali albi rubri lutei, cuiusque dr. ii. corall. rubr. spodii electi scobis elimati eboris succini flauiss. ac pellucidi mastiches, sing. dr.i. se. quatuor frig. maior. cuiusque dr.s. intybi C portulacae lactucae, sing. dr.i. sacchari q.s.dissoluti cum succo malorum aurantiorum. F. Electuarium. Huius electuarii dr.i. succi medicati siue rob. e berberis unc. ess. chalcanthinae ( s. tartareae, cuius gr.iii. aque cichorii unc. i. s. misceantur & fiat potiuncula ad robur corporis languidum excitandum, & immoderatam sitim restinguendam. Postremo tantisper ad oedema disiiciendum adhibeatur cataplasma, quoad aquam inter cutem plane absumtam & dissipatum tumorem euanuisse uideas: stercoris columbini aridi unc. ii. trochisc. e thure dr. ii.s. myrobalanorum cepulorum retorridocorall. rubr. ( rum unc.s. alb. baccarum myrti balaustiorum, sing. dr.i. aceti rosacei q. s. F. Cataplasma ad tumidissimam corporis uitiatam molem. Cap. Ui. Podagre cuiusque perfecta curatio. Primum ab arthritico ad quintum aut sextum usque diem pilula unionum nostrorum magnitudine erui mane ac uesperi deglutiatur, qui capiunt Aquilae coelestis unc.s. aloes praestantissimae nouies e stillatitia chamaepityos aqua lotae dr.ii. stimmeos reuerberati scr.i. croci e chalybe correcti dr.s. moschi odoratiss. gr.iiii. ambari fului gr.iii. F. massa catapotiorum cum extracta stoechados Massiliensis essentia, cui grana quinque uel sex ol. e chalcatho rubri sint addita. Deinde ab assumtis pilulis quotidie bis terue pars male affecta inungatur oleo Macrobii calido, cuius parandi ratio haec est: Sanguinis ceruini adhue calentis tres cantharos e seraphino igne moderato stillare sinito, donec phlegma omne prolectum fuerit & color e croceo in puniceum transierit: deinde ex Athannure flagrantissimo igne tandiu stillas expellito, usque dum nihil guttaru oleosa rum amplius in subiectum emanet receptaculum: ultimo extrema ignis uiolentia cotinenter urgeto, tunc sal egestus suffitu in summam uitri partem lat eribus tectoque mediocri copia adherescet, quem uase refrigerato diligenter colligito & cum oleo probe temperato. Hoc aliquot septimanis utatur conflictatus a purgatione absoluta, & si uinum interea bibere uelit, id recens deferbeat prius oportet cum radicibus caryophyllatae ac peruulgati acori. Sic breui omne arthritidis etiam uetustissimae genus tollitur radicitus, miserabile helluonum flagellum, dirum gurgitum illorum cruciamentum. Cancri exulcerati seu fistulae cuiuscunque certa curatio. Haec potio quotidie ter hauriatur: Rad. cyclamini unc.s. herb. diapensiae candidae M.i. solidaginis mediae M.s. decoquantur in lib. i.s. uini ad tertias. Sumantur huius decocti unc. iii. ol.e caryophyllis per seraphinum prolecti scr. i. misceantur. Locus autem affectus mane ac uesperi optime inungatur linimento, cui insunt: Ol. e lateribus qr.i. terebinthina lib.s. caryophyllis unc. ii. misceantur & chemico more pellantur e balineo: tum admastiches ( dantur myrrhae thuris, sing. unc.iii. mumiae qr.i. omnia simul mixta per Seraphinum agantur. Post sumatur huius C iii huius olei unc.i. aquilae coelestis dr.i. misceantur. F. linimentum quod rursus obligetur emplastro Olympico. Atque semper ante linimenti admotionem cancer siue fistula optime expurgetur hac lotione: Aluminis unc.s. salis une. i. mellis unc.ii. uini ( antur. aque, cuiusque lib. i. dissoluta probe misce Uerum linimento supradicto longe diuiniora sunt, oleum dulce stimmeos, plumbi, hydrargyri, quibus nihil unquam deploratorum ulcerum aduersari potest, sed ocyssime sanantur phagedaenica & cacoethe omnia. Cap. Uiii. Haec de praeparatione Aquilae coelestis & usu eius tam in externis quam internis humani corporis affectibus. lam quod reliquum est, etiam atque etiam rogo te, lo. Chiliane, ut mearum uigiliarum munusculum leuidense, quod in tuo nomine apparet, aequi boni facias, & inde meam erga te tuosque fidem & beneuolentiam probes. Altiora enim quae nunc paro & in hac commentatione, & in aliis similibus me breuiorem faciunt, quae propediem Deo adiuuante sum editurus licet admodum praecocia, quod nimis mature mihi inuito partim quotidianis optimatum precibus, partim oblato indies a principibus uiris ingenti precio, partim a liuidis quibusdam auarisque mysteriophylactis ui & morte intetata de manibus excutiantur. Tu quaeso illum candorem, illamque fidem, quam in hoc Ingolstadiensium agro primum in te esse perspexi, constanter colas: tunc & me eum, quem expetis maxime, habebis perpetuo. Deu Opt. Max. faxit, ut opera medicae artis instituta ad ethernum sui nominis honorem, & catholicae apostolicaeque Ecclesiae salutem absoluere possim, neglecta importunorum hominum obtrectatione & maleuolentia. Amen.