Edictum Leonis.x.pontificis Maximi. Leo. Pp. X. Uniuersis: ad quos hae n rae literae peruenerint: Salutem: & apostolicam benedictionem. Cum iampridem: sicut accepimus: Dilectus filius loannes Augustinus Pantheus Uenetus multis lucubrationibus: & uigiliis opusculum de transmutationibus metallicis composuerit: illudque ad communem usum edere statuerit: Nos qui uiros doctos in bonarum literarum studiis: quantum cum Deo possumus: fouemus: ne is ex tot luis laboribus damnum aliquod incurrat propter impressorum aemulatio nem: qui alienae industriae insidiantur. Uerum si qui fructus ex eo percipi poterunt: ii ad eum perueniant efficere uolentes: Mandamus: & praecipimus omnibus: & singulis sub excomunicationis latae sententiae: iis autem qui in nostris: & Sanctae Romanae ecclesiae Ciuitatibus; & locis degerint: quique nobis & eidem ecclesiae mediate seu immediate subiecti fuerint: praeterea sub trecentorum ducatorum Camerae apostolicae applicandorum: & item sub librorum quos impresserint amissionis poenis: ne quis per decem annorum spacium opusculum ipsum imprimere: aut imprimi facere: aut impressum uaenundare: uendendumue tradere ullis in locis audeat: praeter ipsam loannem Augustinum: sine eius iussu: & concessione. Datum Romae apud Sanctum Petrum sub Annulo piscatoris die Ultima Febru. M. D. Xuii. Pontificatus nostri Anno Quarto. Leoni.x. Pontifici Maximo: Ioannes Augustinus Pantheus Uenetus Sacerdos Perennem Foelicitatem. Cum id moris apud antiquos: aeque ac recentiores beatissime Pater extiterit: memorabiles mortalium uigilias: praecipuasque eorum Lucubrationes: aut si quid accuratius literarum monumentis mandarunt: Regibus: Imperatoribus: aut Summis Pontificibus muneri offerri: tane benemeritis earum Cessoribus: optimisque laborum suorum Protectoribus: ut Uirtus inde laudata non mediore sumeret incrementum. Haud eem a ratione alienum duximus: Libellum: quem nuperrime de Metallorum Metamorphosi ex omnigena Philosophorum lectione congessimus ad publicae utilitatis commodum Fastigii Pontificii tibi dicare Moderatori. Tanta namque in te est uirtutum omnium copia: amplissimumque Orthodoxae religionis imperium: & moderamen ( silemus praeclara tuorum gesta nulla oratione satis explicanda ) ut ueluti Sol inter sidera: omnia nutu tuo facile disponas: & modereris: Omnisque perscrutatorum arcanorum Caterua te unicum Uirtutum: morumque omnium parentem: ac Mecoenatem praedicet: & ueneretur: Eamque nostrae lucubrationis farraginem esse uoluimus: ut synceram arcanae Metamorphoseos Metalllorum ueritatem contineret: & iniquitatis fallacias: operisque incredulitatem ab ipsis occultorum indagatoribus amoliretur. Quod per quam facile patebit: si quispiam aequo aino secretiores eius sensus perscrutabitur: eamque in scribendo seriem seruauimus: ut solis arcanorum Scrutatoribus: & Sapientiae filiis benedictus Philosophorum Lapis: non lapis: immo incomparabilis Thesaurus innotesceret. Idemque male cogitantibus: & ignorantiae nubilo delitescentibus occultaretur: tanquam praeclarum Dei munus rarissimis collatum mortalibus, Hinc cognoscant uoluimus quanto in errore plaerique inuoluantur plurima Sapientum scripta fallo interpretantes: qui solam uerborum superficiem: & simplicem literae sensum fere attingentes quod sub ipso cortice Arcanum contineri Sapientes uoluerunt penitus neglexerunt. Quamobrem qui perperam ac nimis superstitiose eadem sectati sunt: iam uerum callem se non prosequi: sed per deuia longe aberrare: amittem tes tempus: & oleum ( ut ueteri adagio dici solet ) intelligant. Uerum nullum Diuitiarum incommodum: nullumque temporis dispendium passuri sunt: qui libellum ( quantuluscunque sit ) nostrum diligenti cura lectitauerint: optimeque calluerint. Donumque ex caelesti Liberalitate ( si quem Fata uocant ) Aurei rami in opacissima arbore latentis consequentur. Quo sane auulso non deerit alter Aureus: immo longe preciosior. Nam simili semper frondescet Uirga metallo. Hunc igitur Sapientiae filii die noctuque per scrutentur: totisque ingenii uiribus occultissimum Naturae Mysterium prosequantur: idemque Christianae pietati confecrare studeant. Tu itaque Pater Beatissime quem Deum mortalem in terris. & immortalem Hominem in caelis esse credimus: ac ueneramur: labores numeros hilari fronte suscipe: tanquam Clientis tui tibi deditissimi Primitias: quas si non displicuisse cognouerimus: ad altiora scrutanda Naturae Mysteria benignissimis tuis auspiciis protecti: & concitati annuente Deo optimo maximoque accingemur. Interim cum uenusino Uate Beatitudinem tuam alloquamur. Serus in caelum redeas: diuque Laetus intersis populo quirini. Quo triste nihil sospite timendum est. Uale Pater Beatissime unicum Orthodoxae fidei Decus: & Praesidium. Ad Lectores Praefatio. Quamuis silentio nostram incultam indaginem potius praeterire debuissemus: quam talis: ac tam admirandae metallicae mixtionis uerbum aliquod loqui monentibus antiquis patribus: Nolite arcana propalare Mortalibus. Attamen annuente Causa prima: trutinata immensa supernaturali: ac omnibus fere occulta materia: non sine optimis institutionibus a primae Causae inspiratione iamdudum acceptis: quibus omnia nos debere fatemur: Operae precium duximus subumbraculo Solaris reflexus compendio ueritatem ostendere: & grauissimam hanc transmutandi metalla prouinciam electis penitus elucescere. Uerum quia sub aenigmatis pallio fortasse delitescere uirtus illius uidebitur ( ut par est ) id cognoscatur: uelimus: nec alia de causa appositum fuisse Schema: nili propter Ingratos: Indignos: Sontes: Alienigenas: Prophanos: Adulatores: Apostatas: Anathematizatos: Maledicos: Infideles: & tristes Hypocritas. Totum nunc recte: & breuiter: & aperte dicetur. Cum copiosius in portione Diuisionis: & in Speculo nostrae mentis intuitus narretur. Ut Lucentes lux adueniens in luce clarificet: & Aberrantes hac accedente luce emendentur: & compotes gratiae dono fruantur unitate. Expositio Literarum Schematis. Conditor omnium rerum Deus sua maxima omnipotentia ex Hyle creata Caelos: Tetpaγpammaton. & Terram formauit. image Et ex limo ipsius Terre plasmauit Adam: ac factum trastulit in Paradisum. Ibique de costa non de capite: nec de pedibus Adae dormientis Euam illi sociam extraxit. Yλh image A. Tetpaγpammaton. Yλh. Eua postmodum a calido serpente decepta: Adam delusit: quo pariter postea fuerunt a Paradiso eiecti. Motus Et Alterationes Artis Metallicae. Acceptum prodi non debere in arcanis arcanorum legitur: tamen literas: siue elementa Au: & Et dicimus esse Mixtiones aequales Materiae: Formae: & Medii dispositiui. C: uero Primum motum.i. Occisionem: Corruptionem: Calcinationem: uel Putrefactionem. G: secundus motus est: & est Generatio. H: uero tertius motus uidelicet Augmentatio. D: dicitur Disiunctio: Diminutio: uel Separatio: & est quartus motus. F: & B: sunt elementa alterantia: quae dicuntur Hixio: Beatificatio: & Uita. Unitatis Metallicae Sermo In principio est omnipotentia: Naturarum Natura: Temporum tempus: Dominus aethernus: uniuersalis: supernus: & est unus folus Deus. Solus Pater: Filius: Spiritus sanctus: & Trinitas una. Sola unitas: Substantia: Diuinitas: Gloria: Maiestas: Essentia: Exemplar: Thronus: Tabernaculum: & Totum. Tonus: Ditonus: Tritonus: Diatessaron: Diapente: Diapason: & Armonia. Hyle: Circinus: Punctum: Linea: Metros: Diametros: Circumferentia: Triangulus; Quadrangulus: Pentangulus: sexan gulus: Septangulus: Octaugulus: & Nonangulus. Numerus: Unus: duo: Tres: Quatuor: Quinque: sex: Septem: Octo: & Nouem. Caritas: intelligentia: uniuersalis Animarum: Corporumque. Capacitas: Caelorum uniuersalis Operatio: Puritas: Simplicitas: Ignis: Aer: Aqua: & sola Terra. Solum Chaos: Elementorum mixtio: Abyssus: Tenebrae: Lux: Dies: & Nox. So lum Firmamentum: aquarum Separatio: ac Congregatio. Terrae Apparitio; & Uirtus generatiua. Solum Sulfur: Argentum uiuum: spirituum Unio: & Res una sola. Solus Sol: Luna: Stellarum congregatio: Signorum: Dierum: Mensium: ac Annorum Ordo. Sola Praeceptorum series: Uirtutum: Sacrificiorum: animalium: uegetabilium: & metallorum Congregatio. Solus Notor: Uita: Transsubstantiator: Prima causa: Medium: & Finis. Artis Metallicae Eleimage image Primarum Qualitatum Metallorum Schema. image Theorica: Ac Praxis. image Terminatio Recipientium est mutatio Naturarum receptorum per ineffabilem mixtionem calidi id est Ignis cum Frigido: humidi id est Aquae cum Sicco dispositione perpetua. Haec perpetua dispositio est fumus albus: & est Aqua albificans indicum lapidem: ut ait Maria. Haec res est aqua albificans indrademum lapidem id est indicum. Et ista aqua est aqua uiua: quae sicca dicitur: ut omnes asserunt. Et est Argentum uiuum Sapientum: de quo dixit Hermes. Custodite hoc Argentum uiuum coagulatum: quod est in intimis thalamis: in quibus coagulatum est. Opsum enim Argentum uiuum est de Corde Saturni: & est secretum Scoliae: & dicitur Terra residua. Qui igitur uerba audit: ipse inquirat. Sed testamur per illum qui nullius male perpetratum opus iustificat: & nullius recte ac bene exaratum condemnat: quod omne quod caelauimus de hac sapientia: iam deteximus: & maximum arcanum scientiam: & intellectum habentibus patefecimus. Qui uult ergo proficere in hac sapientia: oportet istam admirabilem miximage tionem: seu arcanum maximum componere. Et postea ipsum mutare de Natura in Naturam: Luca sic dicente in Turba. Pluribus rebus non indigetis: nisi una tantum. Et ista Res una: in uno quoque gradu operum nostrorum in aliam uertitur Naturam. Nam ut testatur Geber: Ars talis non consistit in pluralitate rerum: cum dicit. Est enim Lapis unus: Medicina una: in quo magisterium nostrum consistit: cui non addimus rem extraneam aliquam: nec minuimus: nisi quod in praeparatione eius superflua remouemus. In una ergo re consistit totum magisterium istud.s.in Argento uiuo. Et hoc expresse dicit Alphidius filio suo. Scito fili: quod hic lapis: qui est radix: de quo omnes Sapientes tractauerunt: Argentum uiuum est. Et est quoddam Argentum uiuum Albi coloris: & plusquam speculum splendens. Item fertur in Turba. Initium totius operis est albedo id est Argentum uiuum. Notandum. Ruborque succedit. Notetis ergo quod Acetum: Agnus: Aibachest: Albedo: Alborach: Album plumbum: Aima: Aqua: aqua albificans: Aqua grauis: Aqua mercurialis: aqua mundificata: Aqua sicca: Aqua talchi: aqua uiua: Aqua uiscosa: Aqua uitae: Aqua urinae: Argentum uiuum sapientum: Argentum uiuum coagulatum: Argyrion zotichon: Arsenicum: Auripigmentum, Azoch: Cain: Cambar: Caput corui: Caspa chaia: Caelum: Chesseph hai: Corsaturni: Compar: Corpus album: corpus contrarium: Filius: Fumus albus: Gunna: Hermaphroditus: Hyems: Humiditas adustiua: Humiditas aquosa: Inimicus: Lapis unus: Magnesia: Medicina una: Medium dispositium: Menstruum: Mercurius: Occidens: Ollus: Ouum: Phlegma: Plumbum: Primus: Punctum: Radix: Saturnus: secretum Scoliae: Senectus: Serinech: Seruus fugitiuus: Socius: Spiritus: Stagnum: Sublimatum: Succus: sudor Solis: Terra residua: Uentus: Uespera: Urina puerorum: Uultur: Zibach: & Ziua: idem significant. Quorum omnium: & multorum aliorum nomina prolixitatis uitandae gratia omittimus. In compositione autem huius admirabilis mixtionis; seu maximi arcani: oportet nos sequen Naturam. Nam ( ut ait Geber ) Natura per se agit. Nos autem oportet tria scire: uidelicet quidem Natura: quot sunt Naturae: & qualiter Natura operatur. Secundum autem Aristotelem secundo physicae auscultationis: Natura sic diffinitur. natura est Principium: & Causa mouendi: & quiescendi in illo in quo est primo: & per se: & non sem accidens. Item sim Auctorem perfecti magisterii. Naturae; & complexiones primarum quali¬ C tatum sunt quatuor: uidelicet Caliditas: & Siccitas: ut in lgne. Caliditas: & Humiditas; ut in Aere. Humiditas: & Frigiditas: ut in Aqua. Frigiditas: & Siccitas: ut in Terra. Omnes autem istae complexiones inaequales sunt: nec est ulla istarum quam quaerimus. Nam nos quaerimus aequale: de quo dicit loannicius: quod aequalis mixtio est una: quando cum moderatione incolume dicitur corpus. Notandum. Notetis ergo: quod dicit cum moderatione scilicet praedictarum Naturarum: uidelicet Calicitatis: Humiditatis: Frigiditatis: & Siccitatis. Nam quando aliqua istarum Naturarum aliam non excedit: tunc dicitur corpus aequale: quia tantum est de una: Notandum. quantum de alia. Item notetis: quod incolume dicitur sanum: uel mundum ab omni causa corruptionis. Et secundum Geber. Stagnum est Plumbum purissimum: & est in eo aequalitas fixio nis: uel spissitudinis duorum componentium Argenti uiui scilicet & Sulfuris: non autem aequalitas; quantum in mixtione Argenti uiui. Item Hermes inquit. Filii Philosophorum corpora lunt septem: quorum primus est Sol eorum optimus rex: & caput: quod nec terra corrumpit: nec res comburens comburit: nec aqua alteratur: eoque complexio eius est temperata: & Narura directa: in Caliditate: Humiditate; Frigiditate, & Siccitate. Nec in eo quid superfluum est: uel diminutum. Et ideo Philosophi praetulerunt ipsum: & magnificauerunt: & dixerunt: quod sic se habet Sol in corporibus: quemadmodum Sol in Stellis. Suo enim lumine: & splendore omnia commutabilia germinat: & omnes fructus proficit Nutu Dei. Quid plura si ad hoc prouenire possimus? Habemus proportionatum fere totum iuxta Socratem dicentem. Iam ergo Albi plumbi dispositionem uobis demonstraui: quo genito nihil aliud est: quam opus mulierum: & ludus puerorum. Item notetis: Notandum. quod Ingressio: Summersio: Coniunctio: Connexio: Complexio: Compositio: & Mixtio: idem significant in hac arte. Nihil enim ingreditur: summergitur: coniungitur: connectitur: complectitur: componitur; quando miscetur. Ergo uideamus quid sit mixtio: quia ipsa cognita per diffinitionem omnia alia cognoscentur. Secundum ergo Philosophum primo de generatione. Mixtio est miscibilium alteratorum per minima coniunctorum Unio. Notandum. Notetis miscibilium id est Elementorum. Nam ipsa sunt prima principia unius cuiusque mixtis nec ipsius mixti manifestam: nec occultam scire possumus Naturam: nisi sciamus ipsa Elementa commiscere: seu componere. Unde Hermes dicit. Intellige fili quatuor Elementorum scientiam: quae suis posita sunt rationibus in sua abscondita apparitione: Eorum enim abscondita apparitio: nequaquam significatur nisi componatur: eo quod non perficiuntur donec sui colores peragantur. Notandum. Notetis etiam per minima id est per indiuisibilia. Nam si quid posset diuidi: non esset minimum: cum omnis pars minor sit suo toto. Apparet ergo quod per minima.i. per indiuisibilia fit mixtio Elementorum. Et quod Clementum sit minimum corporum apparentium: patet per diffinitionem eius. Elementum enim minima particula corporis est. ertio: uideamus qualiter operatur Natura. Et certe quatuor modis scilicet secundum quatuor motus: qui sunt Corruptio: Generatio: Augmentum: & Diminutio. Alteratio, enim est sim qualitatem mutatio. Agit ergo Natura corrumpendo. Sed quia Corruptionis multae sunt species: tentemus solum de una: quae uertitur in propositum nostrum. Et certe una est Putrefactio. Unde Hermes in allegoria sua. Scitote: quod artis origo est caput Corui: qui in nigredine noctis: & in claritate diei sine alis uolat: & amaritudine nostra in suo sanguine exeunte coloratio accipitur: & a suo dorso mera accipitur aqua. Non est aliud caput Corui: nisi nigredo noctis. Quia sicut ista sunt nigra: & obscura respectu diei: sic corpus putrefactum respectu corporis mundi: quod ex putrefactione oritur: seu per nostrum artificium extrahitur. Sed cuius coloris debet esse istud corpus mundum? Certe albi coloris. Unde Hermes. Scitote rumorum inquisitores: & Sapientiae filii: quod Uultur supra montem extensum in cacumen uoce magna clamat inquiens. Ego sum Albus Nigri & Citrinus Albi: & Rubeus Citrini ueridicus sum certe: Notandum. & non mentior. Notetis ergo Albus Nigri. Nam ipsum album: ex nigro extrahimus. Item Alphidius. Argentum uiuum quod ab eo scilicet corpore nigro extrahitur: est humidum: album: a corticibus mundum: ne opus pereat. Uiso ergo quod primus motus Naturae est putrefacere: uidendum est qualiter fit. Et ut perfecte sciamus facere: oportet nos habere cognitionem principiorum tam Naturalium quam Artificialium? Nam qui principia ignorant: finem non inuenient. Primum ergo principium Naturale est Materia: seu Causa materialis Terrae: Aquae: Ignis: & Aeris: sub Nutu Dei: uel Marthek: quo Graece Neusi theu dicitur: & Hebraice Recon heloim: positis in letteris: & numeris: notatis per lineam perpendicularem ut infra: ac diuisis per aequales: & inaequales partes tali uidelicet modo. Putrefactio. 42 Generatio. 30 Alteratio. 18 Putrefactio. Putrefactio. 539 Generatio. 772 Generatio. 386 Alteratio.. 544 Alteratio. 229.1154. 1326 Secundum est Calor idest Ignis alienus: qui est instrumentum mouens ipsam Materiam ad putrefaciendum: & non aliud agens in mundo. Unde inquit Alphidius. Scito filis quod substantia agens in hoc toto mundo est unum scilicet Calor. Calore enim sublato nullus omnimo motus est. Metus autem est actus: ideoque dispositionis: & operis radix Calor est. Sed cum multi sunt gradus Calorum: siue Ignis: uideamus quid sit iste: & in quo gradu est. Et certe ignis: siue Calor: est Ignis: sine Calor Intentissimus: sic testante Maria. Mensura Ignis tui esto sicut Solis in diebus Iunii: & Iulii. Et uocatur Fimus equinus: ut inquit Alphidius. Igne coquitur: quod tibi ostendam. Et est calidus: & siccus in quarto: cuius proprietas est augmentare siccitatem: condensando humiditatem. Nam sicut Ignis Fimi augmentat frigidum: & humidum propter suam frigiditatem: & humiditatem: quae prohibetur. Ita fortitudo Ignis calidi: & sicci: siccitatem disponit: Naturam humidam in Naturam siccam ( ut scitis ) terminando. Huic autem non assimilatur alius in mundo: nisi Naturalis: qui est Ignis Solis in uisceribus terrae. Uisis igitur principiis Naturalibus: uideamus Artificialia. Principia Artificialia sunt instrumenta: in quibus perficitur ista Putrefactio. Et Primum est Caraha: Secundum est Aludel id est Ueter equi: in quo debet poni Materia: de quo Uincentius dicit. solutiones corporum: & spirituum: instrumenta sunt multa: unum tamen dicitur Uenter equi. Et fit duobus uasis: quorum alterum est Aludel: & in ipso Materia ponitur: statque in Fornace: & subtus nutritur Ignis: ut buliat. Auicenna dicit: qui istae dispositiones non possunt fieri nisi in uase duplici cognito: quod uas est Uenter equi supra nominatus. Item cum diffinitio sit omnino quid esse rei significans: uideamus quid est putrefactio rei: ut melius cognoscamus eam. Secundum autem loannicium. Putrefactio est corruptio substantiae rei ex uaporum retentione. Si enim dispergatur per aera: non putrefit. Quare debet Aludel sic adoptari: ne Respirare possit. Uel potest aliter sic diffiniri. Putrefactio est substantialis humiditatis Corruptio ex indigentia Caloris naturalis superabundante Calore alieno artificiali exterius agente. Notandum. Notetis Calore alieno superabundante. Nam ipse Calor alienus est instrumentum agens: seu perficiens Putrefactionem Corruptione humida. Sed per quem modum facit hanc Corruptionem Calor? Respondemus. Calor calefacit rem sibi superpositam: & calefaciendo facit euaporare humiditatem: qua humiditate omnes partes siccae terreae continuabantur: & faciebant unum corpus continuum: & unam rem: & ita Calor corrumpit: & putrefacit ipsam rem: sicut uidetur in ligno in igne posito. Nam fortitudo Caloris ipsius ignis: facit euaporare a ligno Aquam: & Oleum: mediantibus quibus lignum primo erat corpus continuum: modo post separationem Aquae: & Olei: remanent Cineres: & partes siccae ex toto discontinuatae: & puluerizatae. Et propter istam similitudinem: Putrefactio uocata fuit Cinis a Philosophis. Unde recte inquit Hermes. Ne Argentum uiuum negligentiae tradas: Nigrum cinerem dealbat: & per sapientum ignem fit opus. Ideo uocata fuit etiam Calcinatio id est Putrefactio propter eandem similitudinem. Nam sicut fortitudo ignis priuat lapidem sua humiditate: & de ipso facit Calcem: sic Putrefactio. Unde Parmenides in Turba. Nisi uertatis Naturam: eiusque compositiones: & complexiones sciatis: & bene coaptetis consanguineum confanguineis: & primum primo: inconuenienter facitis; nec quicquam operamini: eo quod Naturae cum suis consimilibus Naturis consequentur eas: & laetabuntur in eis. Nanque putrescunt: uel disiunguntur: eo quod Natura Naturam regit: quae ipsam diruit: & in puluerem uertit: & in puluerem deducit. Apparet ergo: quod per Putrefactionem res destruitur: & in nihilum deducitur: sicut lapis per Calcinationem. Uiso igitur quid est Putrefactio: & qualiter fit: uideamus signa per quae possumus cognoscere quando erit perfecta: & quando non. Quo quidem sunt accidentia principalia per quae possumus cognoscere ipsam esse factam: aut non scilicet color: & Factus. color scilicet Niger: Tactus scilicet Ponderosus. Unde Auctor perfecti magisterii. Plumbum in sua altitudine est Plumbum: & Argentum: Frigidum: Siccum: Terreum: Melancholicum: Nigrum: Marcidum: Foetidum: Ponderosum: & Foemineum. Ex iis ergo apparet: quod Putrefactio tunc est perfecta: quamdo est Nigra: Notandum. & Ponderosa. Item notetis: quod Argentum nostrum: Calcinatio: Incineratio: Melancholia: Nigredo: Nox: Putrefactio: Praegnatio: & Sputum idem significant. Sed quid remanet corruptum post Putrefactionem? Respondemus. Substantia formae: quae ante putrefactionem erat in potentia rei introducta ex proportione Elementorum: ex quibus erat composita. Quia materia non ita corrumpitur: ut penitus annihiletur: seu ad nihilum reducatur: cum elementa destrui a nobis non sit possibile: sed Essentia: & Forma: quam ex mixtione susceperant: bene penitus annihilantur. Nam totum integrale ( puta domus ) consistit ex suis partibus integralibus. Districta uero: seu disiuncta una parte a loco suo: quem locum prius habebat in toto destruitur Forma: siue Essentia totius domus: & tamen remanent Lapides: Ligna: & Fundamenta: ex quibus constabat domus. Sic etiam in proposito nostro. Nam separato humido a loco suo: quem habebat in comixto Elementari: tanquam pars integralis in toto: & hoc per calorem eleuantem ipsum: & separantem ab aliis partibus: annihilatur penitus Forma: & Essentia ipsius mixti: Substantia tamen humidi non annihilatur: nec potest annihilari. Sed contra. Non ne si ponamus ollam plenam aquae ad ignem per uirtutem caloris consumetur: ita quod nihil remanebit? Certe sic. Ergo substantia eius penitus annihilatur. Respondemus. Quod Aqua habet substantiam ualde subtilem: & raram. Item habet contrarias qualitates penitus qualitatibus ignis. Nam Caliditas ignis Frigiditati aquae opponitur: & Siccitas Humiditati. Cum ergo Caliditas ignis frigiditati aquae aduenit: pugnant inter se: & si Caliditas uincat aquae humidi frigiditatem: intantum subtiliat: & rarificat substantiam aquae: quod transmutat eam in substantiam Aeris. Nam Aer generatur ex Calido ignis: & Humido aquae. Et Terra ex Sicco ignis: & Frigido aquae. Unde Morienus. Quatuor sunt Elementa: quorum duo sunt principalia: & summopere contraria: ut Ignis: & Aqua. Alia uero duo generantur ex istis: ut Aer: & Terra. Hoc etiam declarat Albertus optime in libro perigeneseos. Item uidemus Nubem pluuialem uirtute calorum sursum ascendere: & contra naturam suam eleuari. Nam Aqua de natura sua semper deorsum petit: tanquam graue: & cum uenit ad locum perpetui frigoris in quo frigiditas superat caliditatem: tunc Nubes conuertitur in Aquam uirtute suae frigiditatis inspissantis: & conuertentis substantam tiam Nubis in Aquam: & ita generatur Pluuia. Et etiam cum uentus borealis: cuius natura est frigida: & sicca: obuiat australi: tunc si frigiditas borealis superat caliditatem australem/ condensatur: & congelatur Nubes: & haec aliquoties in Aquam conuertitur: aliquoties in Grandinem: aliquidies in Niuem. Ex quo apparet: quod substantia Elementorum non potest annihilari: sed recipit transmutationem: cum Natura unius Naturam alterius superat, Secundus autem motus Naturae est Generatio. Cum Corruptio unius: est Generatio alterius. Philosopho teste primo de generatione. Et est impossibile Materiam esse: quae non sit sub aliqua Forma: primo physicorum. Nam quando agens destruxit mixtionem primam: seu proportionem Elementorum: quae faciebat rem esse sub prima Forma: statim introducit aliam. Et quae Forma est illa? Certe corporis corrupti: quod uocatur a Sapientibus huius artis Saturnus: uel Plumbum? uel Aes propter suam nigredinem: & immunditiam. A qua nigredine: & immunditia debet fieri mundatio. Unde inquit Hermes. Hoc fili noscas: quod nisi quis sciat ducere praegnationem: facere generare: mortificare: & species uiuificare: lumen inducere: ac mundificare: quousque igni purgentur: colorentur: & a maculis ultimis mundificentur: uelut a nigredine: & tenebris: nihil fit. Si autem hoc quispiam fecerit: maioris dignitatis erit possessor: ut Reges eum uenerentur. Item Alteratio est in utatio secundum qualitatem facta ex quadam materiae locali permutatione: qui quidem motus continet in se principalia huius magisterii: de quibus dicit Geber. Sunt itaque huius artis principia modi operationum ipsius: quibus applicatur Artifex ad hoc magisterium: qui quidem ad se inuicem sunt diuersi. Est enim unus modus Sublimatio: & Descensio alter id est secundus. Et unus est Distillatio id est tertius. Et unus ex modis est Calcinatio id est quartus. Et alius solutio id est qutus. sextus: Coagulatio; septimus uero: fixio. octauus demum est: Caeratio. Primus ergo modus fuit Sublimatio. Et causa inuentionis eius fuit: quia non nouerunt antiqui Philosophi: nec nos: nec qui post nos uenturi sunt: aliquod quod uniret corpora nisi spiritus solos: uel quod naturam spiritus: uel corporis in se contineat: sed hos proiectos super corpora sine illorum mundatione: uiderunt non perfectos colores dare: uel ex toto corrumpere: denigrare: aduertere: Notandum. & defoedare. Notetis ergo: quod dicim us sine illorum Mundatione. Igitur Mundatio debet fieri id est ista a Nigredine: & Tenebris. Et ita sentit Hermes. Sed quid est illud: quod parit istam Nigredinem? Certe Humiditas aquosa: & adustiua. Unde Auctor trium uerborum dicit: quod humiditas adustiua est Fumus aquosus: de quo dicitur: Humiditas aquosa: & adustiua corrumpit opus: & tingit in Nigredinem. Uerum Humiditas illa: quae parit Nigredinem impedit album Fumum: quo deficiente Aurum archimiae non fit. Morieno ita testante. Nisi Fumus albus fuisset: Aurum archimiae non fuisset, Item de hoc idem. Nota: quod de Fumo albo interrogasti: scire te conuenit. Fumus albus est Anima: & Spiritus illorum corporum: quorum animas iam extraximus: & iterum eas luis corporibus coniunximus. Ista ergo Anima suum corpus ingressa dealbat ipsum: & mundat ab omni nigredine. Unde Parmenides in Turba. Scitote: quod si superficies dealbatur intrinseca eius dealbantur: & si superficiem Aeris dealbauerit: intrinseca eius dealbabuntur. Item Lucas. Argento autem uiuo gubernato omnem corpus dealbatur: & Natura Naturam conuertit. Siccum ergo & Humidum accipite: & extrahite Fumum album ab ipsis: & custodite ne pereat. Sed qualiter generatur iste Fumus albus? Certe per Putrefactionem: & Mundificationem. Primo materia corrumpitur: fitque per Calorem ignis separatio unius fumi adustiui: qui tingit in Nigredinem ab isto Fumo albo: qui erat ante mixtus sibi in prima materia sub una forma tamen: & ita recipit mundationem unam per ignem. Nam alteram postmodum recipit per artificium nostrum scilicet per Sublimationem: & Distillationem: ut infra. Et hoc est: quod dicit Hippocrates inaphorismis. In perturbatione: & uomitu: qui sponte fiunt: si qualia oportet purgari: purgent: bene erit. Si uero non: e contra. Quod sic exponimus. In perturbatione uentris id est Putrefactionibus: quae fiunt in Aludel. Et uomitibus: qui sponte fiunt id est Sublimationibus: & Distillationibus: quae fiunt in Caraha ascendendo sursum sicut est uomitus. Si qualia oportet purgari: purgentur: bene est. Si non: male. Ex iis ergo apparet: quod si bene sciamus facere Putrefactionem: quae est turbatio Elementorum: seu Deligatio: uel Mundificatio: & bene per Sublimationem: & Distellationem separare hoc ab hoc id est purum ab impuro nobis bene erit: & si non: male. Notandum. Et notetis: quod adhaeret pars una fixa cum fecibus: quae nunquam per Ingeniorum genus aliquod separari ab illis posset. Et cum Fumus ille fuerit mundus: & albus: tunc erit aptus ad coniungendum cum suo corpore: ut diximus supra: aliter non: ut scitis. Unde inquit Morienus. Siquis animam extraxerit: & eam sursum ascendere fecerit: & ab ea omnem Nigredinem: & fetorem abluerit: postea cum suo corpore coniunxerit: & demum mortificauerit: uidebit maxima mirabilia in mundo. Uisa igitur, generatione illius Fumi albi: qui fit per separationem Fumi adustiui ab eo in Putrefactione: & Mundificatione: uideamus illam quae fit per Sublimationem: & Distillationem. Et Primo uideamus: quod est Sublimatio: & quare fuit inuenta. Sublimatio enim est rei siccae per ignem eleuatio cum adhaerentia suo uasi. Causa autem inuentionis eius fuit Mundatio spirituum: aliter impossibilis est: ut iam dictum est supra. Sistillatio uero est Putrefactae liquorosae rei a rece suae turbulentiae separatio: & haec fuit Generalis. Specialis autem fuit inquisitio aquae purae: ita ut corpus solutum post ipsius aquae resolutionem non possit infici: nec corrumpi. Distellationem uero pluribus ponimus modis scilicet per Manicam: & Cineritium. Per Manicam enim sic. fiat furnus distellationis in quo primo collocetur carbo: & coaptetur ei bene: & postea super carbones accensos Substantia distillanda ad spissitudinem unius digiti: & desuper etiam carbones usque ad summitatem furni: & dimittatur operari quosque totum distilletur. Modus uero alius per Cineritium sic fit. Collocetur Substantia in fouea Cineritii: ac desuper ligna accensa: & permittatur operari quousque tota munda exeat. Prima autem distillatio maior est quam Secunda: quia Manica acuitatem caloris plus infert quam Cineritium. Fit etiam per Balneum arenae. Et causa inuentionis talis Balnei: fuit Substantiae purae in naturam suam extractio. Quoniam per Distellationem Primam: & Secundam: Substantiae fuit balnei Satani sola serenitas. Uisis ergo modis distillandi: & quid est Distillatio: accedamus ad Feces. Uerum fim Hermetem. In una quaque recorruptibili tria sunt consideranda. Primum quod est utile aqua: Secundum oleum: Tertium fex, Tamen nullum istorum habet esse in corpore isto corrupto: sed confusum: & indiuisum: quod corpus ab aliquibus uocatur Hyle: unde dicitur Deus creauit primo Caelos & Terram: quos Caelos uocamus Sublimationem: Terram uero corpus nigrum. Et ex limo istius Terrae plasmauit Deus Adam: & ex Adam Uiraginem: quod est corpus nostrum: in quo sunt aliquae essentiae conceptionis: quae prohibentur. Unde inquit Alphidius. Scito fili: quod in libro fit librorum perfectio: & certissimum est opus eis: qui ratiocinantur: iam ergo mandaui tibi quod proponis: uidelicet Adam: & prohibui ea: quae opus corrumpunt id est Uiraginem, a Medicis uero uocatur hoc corpus corruptum Massa ptyssanaria: ex qua generatur in stomacho chylus: & ex hoc chylo generantur in hepate quatuor humores scilicet Sanguis: Cholera: Phlegma: & Melancholia: & ex iis corpus sustentatur: nutritur: & regitur. Hoc idem ipsi dicunt per alia uerba. Nam Natura Primo procedit in stomacho dealbando: Secundo in hepate rubificando: Ultimo in membris subtiliando. Accipiamus ergo Terram rubeam: ac cum sua Aqua mundificata in Aludel: Ignc: & Aere mediantibus aequaliter coniungamus: ut corpus unum uiuum: seu Aqua sicca: uel Fumus albus fiat per uiam Putrefactionis. Haec Aqua: seu Putrefactio uocata fuit Initium operum: & Clauis operum per Alphidium sic dicentem. Scito fili: quod intus thesauri non sunt absconditi: uerum in ea seruati coram tuis oculis cum domum ingre dieris: uolo tamen tibi unam Clauem tribuere: quam eorum signa uoco: quod si rationem habes: residuas tres Claues scies: & extrahes tua scientia ex ea. Porro haec una Clauis est Aqua sicca: que fit per uas Sapientum: & modo Putrefactionis. Per istam uero Clauem incipit opus: & fit per ipsam postmodum extractio reliquarum trium Clauium: & cognoscuntur. Mixtum igitur ac Putrefactum aequatum praedictum: iterum in mundo Aludel: nam aliud uas non potest ignem sustinere: recipiatur. Colloceturque in furno Generationis: ac detur ignis: ut totum illud in Marthek deueniat: absque aliqua terminatione ignis praetermissa: quia motus debet esse continuus ( ut scitis ) & non interruptus. Propterea mementote omnia necessaria quousque totum perficiatur. ertius motus Naturae est Augmentum: quod fit admodum Augmenti Lunae. Nam sicut per aspectum Solis Luna incipit illuminari: & postea omni die augmentatur lumen eius quousque tota sit illuminata: sic etiam Magnesia incipit per Fimum rubificari: donec tota fuerit rubificata. Et hoc dicit Hermens in secreto suo: uidelicet Uitis Sapientum succus in. 42. diebus extrahitur: Eius uinum in fine. 30. peragitur: De caetero ipsum diminuit: Trituratio uero augmentat: eo quod Luna post. 15. diminuitur: & in. 30. augmentatur. Fit etiam haec coniunctio admodum Corporis: & animae. Nam sicut Anima Corpus ingreditur: & continet ipsum: sic Fumus albus Corpus suum. Unde inquit Alphidius. Prosequente fugienti obuiante ab eis fuga aufertur: & ueritas sequitur: & Natura coepit suum comparem ut inimicum: & se ad inuicem continuerunt: & continent: quoniam Anima Corpus introiuit. Istud punctum est Secundum punctum artis sm Hermetem. Secundum uero ordinem est Iouis. In domo cuius posuimus Martem. Et quare ibi appositus fuit: uideatur particula nostrae Diuisionis sub titulo Cineritii.c. Res a lopis mundata. Idem dicit Rodianus cum embryone reducit. Notandum. Notetis embryon, Embryon enim est Frustum carnis: seu Massa: ex qua Natura format in matrice foetum: & disponit omnia membra sua. Sic istud punctum est Massa: seu Lapis: ex quo totum magisterium perficitur. Item istud punctum est etiam Materia: ex qua omnia metalla ducunt originem. Unde inquit Alphidius. Ut enucleatius intelligas me loquentem: uolo ut scias de qua Materia metalla ducunt originem. Attende itaque. Aqua grauis: & uiscosa in uisceribus terrae non habens exitum foras: si prope est Sulfur: eius excocta calore conuertitur in Argentum uiuum. Et sic Notetis: Notandum. quod Aqua uiscosa: & Sulfur sunt Materia omnum metallorum Argenti uiui. Hoc idem dicit Geber: cum diffinit Argentum uiuum dicens. Argentum uiuum est Aqua uiscosa in uisceribus terrae Substantiae subtilis Albae terrae per Calorem temperatissimum unita totali unione per Minima quousque humidum contemperetur a sicco: & siccum ab humido aequaliter. Notandum. Notetis ergo: Aquam uiscosam: & Substantiam albam: quam dicimus esse etiam Materiam argenti. Item notetis: per Calorem temperatissimum tanquam per instrumentum perficiens ipsam. Notandum. Item notetis: modum perficiendi cum dicit: quousque humidum contemperetur cum sicco. Item notetis: quod Aer: Arbor: Argentum: Argilla: Notandum. Argyrion: Caspa: Chesseph: Consanguineum corpus. Corpus improprium: Corpus nigrum: Eua: Fada: Foemina: Gallina: Giumis: Guma alba: Hypostasis alba; Lignum: Linea: Luna: Magnesia alba: Materia: Men: Massaptyssanaria: medium caelum: Meridies: Nigredo: Niger cinis: Ouis: Sanguis: Secundus: Soror: Substantia subtilis: Uer: Uirago: Uirilitas: Unio spirituum: Uua acerba: & Tenebrae idem sunt. Uisa autem Mixtione: Putrefactione: Generatione: & Augmentatione Argenti uiui uideamus eius fixionem: quae fixio fit per Diminutionem: quae est quartus motus Naturae: quaedae Diminutio dicitur: & fit per Decoctionem: ut narratum est supra in praeallegato secreto Hermetis: uidelicet. Uitis Sapientum & c. Nam sicut Luna: postquam plena est: de die in diem incipit Diminui: donec de ipsa nihil appareat: sic Albedo: & Illuminatio istius corporis incipit Diminui per Decoctionem: donec tota Albedo Diminuta sit: & appareat Rubedo per Nigredinem: & Citrinitatem: quae penitus apparebit: si non remansit aliquid de illa humiditate aquosa: quae mittit Albedinem. Si uero remansit aliquid de illa humiditate aquosa: quae mittit Albedinem: tunc non est facta exicatio. Siccet ergo donec deueniat: & tunc bene erit. Et hoc est: quod dicit Hippocrates in aphorismis. Inanitio: si qualem oportet fieri: fiat: & confert: & bene erit. Si uero non: econtra. Glossa. Nota Inanitio id est Exicatio. Item Hermes. Ponite igni ipsius humiditatem: & in humido ignem habitare facite: qui ignis huiusmodi humiditatis colorem augmentat: & siccitate combustionem: donec in finem ducatur id est perfectum fiat. Item inquit Alphidius. lnspice fili: quia scripturus sum tibi librum: cuius uerba si intel lexeris: hanc artem inuenies: si fueris de iis: qui eam inuenient. Si uero haec uerba non intellexeris: non accedas ad operandum: nisi si incipias tentare: & aquas coquere: quae put refaciendo spissantur putrefaciendi humidita te: ui siccitatis: neque ipsius: cuius genus est duo lapides de genere lapidum: extractum.n.est ex lapidibus: quae in quolibet anni tempore generantur. Notandum. Notetis ergo: quod per Putrefactionem fit Inspissatio aquarum id est Frigidi: & Humidi: & e contra in siccitatis Naturam: quod apparet: ut dictum est supra: per Putrefactionem: & Generationem in secreto. Accipiamus ergo terram rubeam & c. Nam Frigidum: & Humidum cum incipit alterari: efficitur Nigrum: ut carbo. Unde inquit Hermes in allegoria sua. Lapis noster inquisitus caret simili: & est Citrinus: Aureus extrinsecus: & intrinsecus. Cum autem corpus eius alteratur: fit Nigrum: & Tenebrosum: ut Iarbones. Spiritus autem ab eo ablatus colore est Rubeus. Spiritu autem: & Anima sibi redditis uiuit: & laetatur: & uides eum ridentem: & hilarem: ac morte caren tem. Benedictus igitur sit ille: cuius dispositio sit haec: qui mortificat: & uiuificat; & omnipotens est. Item Hermes in eodem loco. Ego sum Album Nigri: & Nigrum Albi. Et sic apparet: quod alteratio est ab Albedine in Nigredinem: & a Nigredine in Albedinem. Et ulterius ista desiccatio: siue dispositio continue fiet eius conuersio in Caliditatis Naturam: quod est in Rubedinem: quae tamen prouenit ex paucitate Nigrificandi. Hoc idem dicit Rosinus cum dicit: quod ars Marthek non fit nisi ex Stagno. Ex quibus potest intelligi: quod unus est dispositor Albi: Nigri: Citrini: & Rubei. Et hoc est: quod dicit Alphidius. Scito fili: quod in huius maris profundo Margaritae diuersorum colorum nascuntur: in quo & Hyacinthus diuersi coloris ascendit: & etiam ipsum scilicet Marthek colorat corpora per colorem suum. Cum enim fuerit calidum: erit Rubeum: Cum uero frigidum fuerit: erit Album: Similiter Colonis: & Candoris Solis: & Lunae: & Rubeum est Caliditas: & Albedo est Frigiditas: intellige ergo & obserua. Notandum. Item notetis: quod Rubedo est signum Caliditatis: & Albedo Frigiditatis: & istud est Tertium Punctum artis sim Hermetem: cum dicit. Tertio mense operatur Mars agens in materia ex sua Caliditate: & Siccitate diuidit: & sequestrat massam ipsam: Notandum. & Membra disponit. Notetis Membra. Nam sicut in matrice Natura disponit membra ipsius foetus: tanquam partes integrales ipsius foetus: sic & istud corpus Rubeum est pars integralis Eleisiris: seu Medicinae. Nam in omni compositione: quae fit postquam istud corpus creatum est: cadit semper tanquam pars integralis compositionis: Notandum. ut inferius declarabitur. Item notetis: quod istud corpus habet multa nomina. Uocatur enim Adam: Aestas: Almagra: Altun: Anima: Aries: Aurum: Cancer. Carmeth: Cinis tartari: Cholera: Corpus proprium: corpus rubeum: Corsufle: Deeb: Dehab: Ferrum: Forma: Frater: Fructus: Gallus: Gophris: Gumma rubea: Hon: Iuuentus: Kibrit: Lapis indrademus: Lapis indus; Lapis rubeus: Lux: Magnesia rubea: Mane: Mars: Marthek: Masculus: Metros: Minera: Neusi: Nutus Oleum martis: Oleum inconbustibile: Oleam rubeum: Oliua: Oriens: Pater: Recon: Rubedo: Rubinus: Sal urinae: Sericon: Sol: Sulfur rubeum: Terra rubea: Tertius: Thion: Uinum: Uitellus: Uittiolum rubeum: Uitrum: Zaaph: & etiam multis aliis nominibus a Sapientibus appellatur: quae quidem nomina non sunt ei atributa sum unam rationem; seu proportionem. Nam Philosophi qui uocauerunt eum Adam: Aestatem: Annagra: Altun: Animam: Arietem: Aurum: Cancrum: Carmeth: Choleram: Cinerem tartari: Corpus proprium: Corsufle: Deeb: Dehab: Formam: Fratrem: Fructum: Gallum Gophris: Hominem: Iuuentutem: Kibrit: Lapidem indrademum: Lapidem indum: Lucem. Mane: Martem: Marthek: Masculum: Metron: Mineram: Neusim: Nutum: Oliuam: Orientem: Patrem: Recon: Sal urinae: Solem: Tertium: Thion: Uinum: Uitrum: Zaaph dixerunt hoc propter suam complexionem. Nam omnia haec dixerunt quia Calidae: & Siccae complexionis sunt. Qui uero uocauerunt ipsum corpus rubeum: Gummam rubeam: Lapidem rubeum: Magnesiam rubeam: Oleum rubeum: Rubedinem: Rubinum: Sericon: Sulfur rubeum: Terram rubeam: Uitellum: Uitriolum rubeum: propter colorem rubeum hoc dixerunt. Qui autem nominauerunt image ipsum Ferrum: Oleum incombustibile: Oleam martis: propter impotentiam fusionis durae hoc dixerunt. Nam cum hoc corpus per decoctionem priuatum sit una humiditate: quae faciebat ipsum flucre: & necesse est corpus siccum non fluere: ideo uocauerunt id esse Ferrum: quia inter alia corpora Ferrum dicitur maxime fixum. Sic etiam istud corpus per priuationem humiditatis: quae faciebat ipsum primo Uolatile: modo est necesse: ut remaneat fixum. Nam omnia corpora non Fixa siguntur per talem priuationem humiditatis: quae uocata fuit Calcinatio a multis Philosophis. Unde inquit Geber. Calcinatio est rei per ignem purificatio: seu puluerizatio ex priuatione humiditatis partes concludantis: & fluere facientis: Et causa inuentionis Calcinationis spirituum est: ut ibi melius figantur. Sic ergo fit per priuationem humiditatis Uol Fixum: & Molle Durum. Item fit mutatio de Natura in Naturam. Et Aquae in Ignem fim naturales Philosophos: ut scribitur in Turba Philosophorum. Item mutatio conplexionum: ut Frigidae: & Humidae complexionis: in Calidam: & Siccam. Seu Phlegmaticae complexionis in Cholericam sem Medicos. Item fit Spirituale Corporeum fim Auctorem perfecti magisterii. Item fit de Manifesto Occultum secundum Rodianum in libro trium uerborum. Notandum. Item notetis: quam in uno quoque corpore sunt tres dimensiones scilicet Altitudo: Latitudo: & Profunditas Philosopho teste primo caeli. Altitudo est illud: quod manifeste apparet de corpore: & primo subiacet uisui nostro. Exempli gratia. Lapis noster in prima sui creatione est Albus: & ita apparet prima facie quia dicimus ipsum frigidum: & humidum ( ut est ) Rodiano sic asserente. Lapis noster est Aquaticus: quam frigidus: & humidus: & Aqua est frigida: & humida: & humida Aqua currit. Ideo iuro per memetipsum: quod uerum est: & talis dispositio dem corporis Altitudo. Latitudo uero est illius Medicinae dispositio: per quam itur ad profundum: quae numera Medicina est: & est uita Altitudinis: ac Profunditatis: tam medium inter duo extrema: seu contraria: per quod in extremum peruenitur: quia impossibilis est transitus de extremo ad extremum sine medio. Saepe enim dictum est? quod Lapis noster est humidae: & frigidae conplexionis. Nam si uolumus eum facere transire ad medicinam disponentem: necesse est: ut altera qualitas Distruat in eo. Destruitur autem per Putrefactionem. Nam frigidum: & humidum per Putrefactionem inspissatur: & eius Humiditas uertitur in Siccitatem: & sic fit transitus ad medicinam disponentem: quae est Caliditas: & Siccitas: quae dicitur Latitudo. Natura tamen a frigido: & humido Frigiditatem: & a calido: & sicco Siccitatem recipit: & fit Terra. Postea uero per Calorem excedentem caliditatem: quae remansit in corpore: fit transitus ad contrarium destruendo Frigiditatem: & introducendo Caliditatem: quae dispositio dicitur Profundum: seu occultum corporis: & hoc optime patet in Libro perfecti magisterii in particula illa. Ferrum in sua Altitudine est frigidum: humidum: calidum: siccum: cholericum: rubeum: acutum: odoriferum: masculinum: & caeterauiso demum qualiter Argentum uiuum transsubstantiatur de Natura in Naturam scilicet de Frigiditate: & Humiditate in Caliditatem: & Siccitatem: Et quia in isto puncto: maior pars Philosophorum incipit loqui. Ut Alphidius de minera. Sulfur rubeum dixit. Notandum. Notetis: quod minera huius operis est Sulfur rubeum: & secundum Lucam Masculinum: cum dicit. Accipite Marthek: & dealbate eum: & caetera. Masculum enim promulgauit: & plures alii Sapientes possent adduci in eandem sententiam: quos in praesentia omittimus breuitatis grna. Ratio autem quare omnes fere initium sumpserunt in isto corpore rubeo: est: quia istud corpus rubeum est principium totius tincturae: Nec fit tinctura uera sine eo. Unde Rosinus inquit. Sciatis: quod non fuit aliquis qui in hac arte uerbum dixerit a fidelitate denudatum praeter Hermetem. Cum dicit. Scitote: quod non fit tinctura unquam nisi ex rubeo lapide, Item Geber de essentia Solis asserit: quod Sol creatus est ex subtillissima Argenti uiui substantia: & ex substantia pauca Sulfuris mundi: & purae rubedinis fixi: clari: & a natura sui mundati tingentis illud scilicet Argentum uiuum. Item idem Geber dicit de Sole. Aurum est preciosissimum Metallorum: & est tinctura rubedinis: quia tingit: transformat: & illuminat omne corpus: quoniam alumen est: & tinctura uera: & perfectio totius operis diuini: quod Deus electis suis largitur: & non aliis: cui sit honor: laus: & gloria. Dispositiones Artis Metallicae. Fornax. Caraha. Aludel. Gradus. Tempora. Ignis alienus. Terra. Aqua. Ignis naturalis. Aer. Remotio superfluitatum Elementorum. Mixtio aequalitatis praedictorum. Putrefactio Mixtionis. Generatio Putrefactionis. Augmentatio generationis. Disiunctio Augmentationis. Ignis Disiunctionis. Alteratio Ignis. Distillatio Alterationis. Ponderatio Distinerationis. Cineritium Ponderationis. Aqua examinationis Cineritii. Unio examinationis Aquae. Corpus congregationis unionis Aquarum examinationis. Iustificatio Unionis. Caementum Iustificationis. Forma. Medium dispositium. Materia. Insertio Iustificationis Caementationis Summarium Artis Metallicae. image Naturarum lapidis Metal¬ lorum Numeri. Naturae primarum qua¬ litatum lapidis predicti. Res materiales. Prima clauis. Et Remotio superfluitatum Eleme¬ totum. Mixtio aequalitatis praectorum. Putrefactio. Clauis secunda Et primum punctum artis. Generatio: Augmentatio: & Diminutio: Clauis ter¬ tia. Et fm punctum artis. Alteratio Clauis ultima. Et tertium punctum ar¬ tis. Minera perpetua. Et fu¬ damentum Res Principales Et Necessariae: Subnota. Et si nostro libello aperte: lucide: & copiose Materiam lapidis Philosophici ( ut notum est ) omnibus demonstrauimus: eiusque Regimen etiam usque ad consumationem deduximus. Attamen ut enucleatius: & breuius totum arcanum: & diuinum munus aperiamus Filiis doctrinae: tres esse Philosophorum lapides dicimus animalem: Uegetabilem: & Mineralem. Qui ergo animalem perficere uoluerit: exordium ab animalibus accipiat: nec sine eo: congruoque tempore imaginem uiuentem procreari posse intelligat. Si uero Uegetabilem consequi fortasse peroptauerit: sciat: quod nisi Semen in terram cadens mortuum fuerit: solum manebit: & si mortuum fuerit: multum fructum dabit. Uerum si Mineralem eligere maluerit: non absque aus. 304. 272. &. 224. sortietur optatum. Itaque qui habet aures audiendi audiat. Quoniam ipsum arcanum maximum omnibus benemerentibus notum fieri aequum censuimus. Quicquid enim antiqui Philosophi inuolutum tenebris: & noctis caligine tradiderunt: iam aperte reuelauimus. Siquis igitur ad perfectionem inuentionis tam admirabilis thesauri omnium maximi peruenerit: per illud maximum Dei nomen mortalibus ineffabile ipsum obsecramus: atque eum obtestamur: & constringimus: ut illum sincerae mentis probitate inuiolabiliter custodiat: ne filiorum Sapientum panem Canibus proiiciat. Notarum Praedictarum Ostensio. T 19 A. 1 I. 9 A.1 E 5 Q. 16 G. 7. E. 5 R. 17 U. 20 N. 13 R. 17 7 R. 17 A. 1 E. 5 E. 5 A. 1 — — — — 59 38 34 2 8 8 8 8 8 — — — — 472 304 272 224 Capita Ill. Concilii D. Paulus Ualaresso. D. Franciscus Contareno. D. Petrus Mocenico. Ars transmutationis Metallicae lo. Augustini Panthei sacerdotis Ueneti Leonc. X. Pontifice Maximo: ac Leonardo Lauretano optimo Prin cipe in aedibus loannis Tacuini impressorum accuratissimi Uenetiis edita. Uii. Idus Septembris: M.d.xuiii. Archimicae sophiae seu mauis Archimagiae Dicere: ueridicum iam Cape lector opus. Naturae ex adytis tulit haec exempla sacerdos. Foelix: qui nosse haec mystica sacra potest,